साथ दे तु मला...

साथ दे तु मला, नयनातील आसवांपरी
सुख-दु:खातील त्या नाजुक टपोर्या थेंबापरी

गीत माझ्या मनातले मी, कोरले या ह्रदयावरी
जपुन ठेव तु ते इतुके , तुझ्या डोळ्यातील स्वप्नापरी

जपल्या मी आठवणी, इतुक्या माझ्या मनी
जपशील का तुही त्या, तुझ्या ओठातील स्मितापरी

रात स्वप्नांचीही आता, नशीबी माझ्या न राहीली
चांदण्या मोजु बघता, त्यांस लपवीले काळ्या नभांनी

भेट आता एकदाची, उन्हातल्या सावलीपरी
गीत गाऊ दोघे मिळुनी, कोरले जे  ह्रदयावरी

-प्रदिप काळे(मुक्त कलंदर)

______________________________________________________________

All Rights reserved.©
muktkalandar.blogspot.com वरील सर्व हक्क राखिव आहेत.©
या ब्लॉगवरील कोणतेही लेखन अथवा लेखनाचा भाग इतरत्र प्रकाशित करण्यापुर्वी लेखकाची परवानगी आवश्यक आहे.