अटळ सत्य

मृत्यु ... एक सत्य अटळ आणि अंतीम
तरीही जगतोच आम्ही आमुच्याच धुंदीत
अमरत्वाचा वर मिळाल्याच्या एेटीत...

काळालाही केलं आहे  बंदी,
सुंदर अंकानी मढवलेल्या पारदर्शी काचेच्या पेटीत
पण विसरतो हेच की धावतोय तोही अविरत भुतकाळाला मागे टाकीत...

कल्पनांचे वारु उधळताहेत,
भविष्याच्या क्षितीजापार चौखुर आपुल्याच धुंदीत
पण वाट पाहतेय मधेच एक सत्य पुसत नाही जे त्या खुरांच्याही धुळीत...

-प्रदिप काळे (मुक्त कलंदर©)

पंढरपुर.
९६६५९८०६०४

_________________________________________________

All Rights reserved.©
muktkalandar.blogspot.com वरील सर्व हक्क राखिव आहेत.©
या ब्लॉगवरील कोणतेही लेखन अथवा लेखनाचा भाग इतरत्र प्रकाशित करण्यापुर्वी लेखकाची परवानगी आवश्यक आहे.